Xususan, “Ijtimoiy reestr”ga kiritilgan ehtiyojmand oilalarni qo‘llab-quvvatlash, ularning bandligini ta’minlash hamda daromad manbaini yaratish maqsadida amaliy yordamlar ko‘rsatilib kelinmoqda.

Joriy yilning shu davriga qadar tumanda 173 nafar kam ta’minlangan oila a’zolariga jami
1 milliard 200 million so‘mlik asbob-uskunalar tarqatilgan bo‘lsa, bugun 2026-yil 12-may kuni ham yana 136 nafar fuqaroga 1 milliard 500 million so‘mlik asbob-uskunalar topshirildi.

Jumladan: — 6 nafar fuqaroga motorollerlar;
— 6 nafar fuqaroga motokultivatorlar;
— 88 nafar fuqaroga tikuv mashinalari;
— 36 nafar fuqaroga boshqa turdagi zarur asbob-uskunalar berilmoqda.

Mazkur amaliy yordamlar orqali fuqarolarning o‘zini o‘zi band qilishi, oilaviy tadbirkorlikni yo‘lga qo‘yishi hamda daromadlarini oshirishiga ko‘maklashilmoqda.