Халқ депутатлари Янгиқўрғон туман Кенгаши раиси

Мамажонов Равшан Рахмонжонович томонидан Қуйи Қораполвон маҳалла фуқаролар йиғинида бўлиб, ҳудудда амалга оширилиши режалаштирилган “Менинг боғим” лойиҳаси доирасида ажратилган ер майдони билан яқиндан танишилди.

✔️Ташриф давомида мазкур лойиҳани амалга ошириш учун белгиланган ҳудуднинг ҳолати, инфратузилмавий имкониятлари ҳамда аҳоли учун яратиладиган қулайликлар муҳокама қилинди. Шунингдек, лойиҳани самарали ташкил этиш, кўкаламзорлаштириш ишларини сифатли олиб бориш ва ҳудудни ободонлаштириш масалалари юзасидан масъулларга тегишли тавсия ва кўрсатмалар берилди.

Ушбу ташаббус маҳаллада экологик муҳитни яхшилаш, аҳолининг дам олиш шароитларини кенгайтириш ҳамда ҳудудни янада обод ва кўркам қилишга хизмат қилиши таъкидланди.