Bugun Sardoba tumani hokimi deputat  Ziyadulla Karimov mahallada faoliyat yuritayotgan profilaktika inspektorlari bilan uchrashuv oʻtkazdi. Uchrashuv davomida hududlarda xavfsizlik va jamoat tartibini ta’minlash masalalari atroflicha muhokama qilindi. Profilaktika inspektorlari faoliyatining samaradorligini oshirish, mavjud muammolarni bartaraf etish hamda kelgusidagi ustuvor vazifalarni belgilab olish yuzasidan fikr almashildi.

Shuningdek, tadbir davomida soha xodimlarining mashaqqatli mehnati e’tirof etilib, ularning ish faoliyatini yanada takomillashtirishga qaratilgan taklif va tashabbuslar ilgari surildi.

Mazkur uchrashuv mahalliy hokimlik va profilaktika inspektorlari o‘rtasidagi hamkorlikni yanada mustahkamlash, hududlarda osoyishtalik va xavfsizlikni ta’minlash borasidagi ishlarni yangi bosqichga olib chiqishga xizmat qiladi.