Сайёр қабул давомида 100 га яқин турли йўналишдаги мурожаатлар келиб тушди. Фуқаролар томонидан асосан ижтимоий, иқтисодий ва маиший муаммолар, жумладан, иш билан таъминлаш, уй-жой, коммунал хизматлар ва тиббий хизматга оид масалалар кўтарилди.

Келиб тушган мурожаатларнинг 54 таси масъуллар томонидан жойида ҳал этилди. Шунингдек, 23 та оилавий низоларни бартараф этиш мақсадида мутасаддилар томонидан уйма-уй юриб, ўрганиш ва ҳал этиш чоралари белгиланди. Қолган мурожаатлар эса қўшимча вақт талаб этиши инобатга олиниб, тегишли ташкилотлар томонидан ўрганиш ва ҳал этиш учун назоратга олинди.

 Бу каби сайёр қабуллар аҳоли дардини тинглаш, муаммоларни жойида ҳал этиш ва халқ билан очиқ мулоқотни таъминлашда муҳим аҳамият касб этмоқда. Энг муҳими, инсон қадри устувор бўлган бундай амалий ишлар халқнинг эртанги кунга бўлган ишончини янада мустаҳкамламоқда.