Qonun ijrosi o‘rganildi 

Mahalla tizimida ochiqlik va hisobdorlikni kuchaytirish, fuqarolarning murojaatlari bilan ishlash samaradorligini oshirish bugungi kunning ustuvor vazifalaridan biridir. Shu maqsadda Xalq deputatlari Qo‘shko‘pir tuman Kengashi deputati G. Rozmetova tomonidan Durdona mahalla yettiligi faoliyati atroflicha o‘rganildi.

O‘rganish jarayonida, ayniqsa, “Jismoniy va yuridik shaxslarning murojaatlari to‘g‘risida”gi Qonun (2017-yil 11-sentabr, O‘RQ-445-son) ijrosi qanday yo‘lga qo‘yilgani, murojaatlar bilan ishlashda shaffoflik, tezkorlik va adolat tamoyillariga qay darajada amal qilinayotgani asosiy e’tiborga olindi.

Deputat tomonidan olib borilgan ushbu o‘rganish fuqarolar manfaatlarini himoya qilish, mahalla institutining jamiyatdagi rolini yanada mustahkamlash hamda davlat organlari faoliyati ustidan jamoatchilik nazoratini kuchaytirishga qaratilgani bilan ahamiyatlidir.