Xususan, mazkur uchrashuvda bildirilgan murojaat asosida shahar Kengashi deputati S.Jurayeva hududga chiqib, holatni joyida o‘rgandi.

Murojaatga ko‘ra, “Nurafshon” MFY Amin daryo ko‘chasida joylashgan kanal orqali tomorqalarga suv yetkazib berishga xizmat qiladigan damba hozirgi kunda nosoz holatga kelib qolgan. Mazkur inshootning avariyaviy ahvolda ekani aholi o‘rtasida jiddiy xavotir uyg‘otmoqda. Agar ushbu muammo o‘z vaqtida bartaraf etilmasa, tomorqalarni sug‘orishda qiyinchiliklar yuzaga kelishi hamda boshqa salbiy oqibatlarga olib kelishi mumkin.

Deputat tomonidan o‘tkazilgan o‘rganish jarayonida muammo atroflicha tahlil qilinib, masalani ijobiy hal etish bo‘yicha tegishli tashkilotlar bilan hamkorlikda zarur choralar ko‘rish yuzasidan taklif va tashabbuslar ilgari surildi.