Tashrif davomida muassasada aholiga ko‘rsatilayotgan tibbiy xizmat sifati, yaratilgan sharoitlar hamda sohada amalga oshirilayotgan islohotlar bilan yaqindan tanishildi. Xususan, sog‘liqni saqlash tizimini takomillashtirish, zamonaviy yondashuvlarni joriy etish va xalqaro tajribani o‘rganish masalalariga alohida e’tibor qaratildi.

Uchrashuv jarayonida tomonlar o‘zaro tajriba almashib, kelgusida hamkorlikni yanada kengaytirish istiqbollarini muhokama qildilar.

Shuningdek, tashrif doirasida ayollar salomatligini muhofaza qilish, onkologik kasalliklarning oldini olish va ularni erta aniqlash bo‘yicha targ‘ibot-tashviqot ishlari ham olib borildi.

 Bunday uchrashuvlar tibbiyot sohasini rivojlantirish, xizmatlar sifatini oshirish va aholining salomatligini mustahkamlashda muhim ahamiyat kasb etadi.