Xususan, Xalq deputatlari shahar Kengashi deputati M.Raimdjanov tomonidan Teraktagi mahalla fuqarolar yig‘inida hokim yordamchisi bilan birgalikda hududni o‘rganish ishlari olib borildi. O‘rganish jarayonida 2026-yil uchun belgilangan ijtimoiy-iqtisodiy loyihalarning manzilli ro‘yxati asosida mavjud imkoniyatlar, amalga oshirilayotgan ishlar hamda istiqboldagi rejalar tahlil qilindi.

Hududdagi tadbirkorlik subyektlari faoliyatiga alohida e’tibor qaratildi. Jumladan, yakka tartibdagi tadbirkor Raxmatov Nasibillo tomonidan konditer mahsulotlari ishlab chiqarish faoliyatini yo‘lga qo‘yish rejalashtirilgan bo‘lib, mazkur loyiha 2026-yilning 4-choragida ishga tushirilishi kutilmoqda. Ushbu tashabbus doirasida 4 nafar yangi ish o‘rni yaratiladi.

Shuningdek, yakka tartibdagi tadbirkor Raximov Islom tomonidan 200 million so‘m miqdoridagi mablag‘ evaziga mebel ishlab chiqarish faoliyati yo‘lga qo‘yilgan. Ayni paytda ushbu korxonada 3 nafar fuqaro doimiy ish bilan ta’minlangan.

Mazkur o‘rganishlar hududda tadbirkorlikni rivojlantirish, yangi ish o‘rinlarini yaratish hamda aholi daromadlarini oshirish borasida olib borilayotgan ishlarning amaliy ifodasidir.

Shahar Kengashi deputatlari tomonidan joylarda olib borilayotgan bunday o‘rganishlar kelgusida yangi loyihalarni shakllantirish, mavjud muammolarni aniqlash va ularni bartaraf etishda muhim ahamiyat kasb etadi.