Saylovchilar bilan ochiq muloqot

10-Ibrat saylov okrugidan xalq deputatlari viloyat Kengashiga saylangan deputat, senator Ikromxon Najmiddinov To‘raqo‘rg‘onlik saylovchilar bilan uchrashdi.

Tadbirda ishtirok etgan tuman hokimi Sherali Qosimov saylovchilar vakillari to‘plangan yig‘ilishda deputatning huquq va burchlari xususida gapirdi.

I. Najmiddinov saylovdan keyingi davr mobaynida amalga oshirilgan ishlar to‘g‘risida axborot berar ekan, fuqarolarning huquqiy savodxonligi ortib, o‘z haq-huquqlarini talab qilayotganliklarini mamnuniyat bilan e’tirof etdi.

Shuningdek, saylovchilar talabidan kelib chiqqan holda bir necha mahallalarda ko‘chalarni asfaltlashtirish, hududlarga elektr tarmoqlari tortish, chiroqlar va kuzatuv kameralari o‘rnatish bo‘yicha bajarilgan ishlarga to‘xtaldi.

Saylovchilar Xalq deputatlari viloyat Kengashi deputatiga o‘zlarini qiziqtirgan savollar bilan murojaat etdilar va tegishli javoblar olindi.