Жумладан, депутатлар Ёлғизбоғ маҳалласида бўлиб, Ўзбекистон Республикаси Президентининг ПҚ-343-сонли қарори ижросини жойида ўргандилар. Ушбу қарорнинг мазмун-моҳияти аҳоли турмуш шароитини янада яхшилаш, инфратузилмани ривожлантириш ва ижтимоий ҳимояни кучайтиришга қаратилган бўлиб, унинг амалда қандай бажарилаётгани атрофлича таҳлил қилинди.

Ўрганиш давомида маҳаллада амалга оширилаётган ишлар, аҳоли учун яратилган шароитлар, мавжуд муаммолар ва уларнинг ечимлари юзасидан фикр алмашилди. Депутатлар фуқаролар билан мулоқот қилиб, мурожаат ва таклифларини тингладилар. Бу эса муаммоларни жойида аниқлаб, тезкор чоралар кўриш имконини бермоқда.

Шу билан бирга, масъул ташкилотлар вакилларига қарор ижросини сифатли таъминлаш, камчиликларни бартараф этиш ва белгиланган вазифаларни ўз вақтида бажариш бўйича тегишли тавсиялар берилди.

Жойларда олиб борилаётган бундай амалий назорат тадбирлари халқ манфаатларини таъминлаш, қабул қилинаётган қарорларнинг самарадорлигини ошириш ҳамда давлат ва жамият ўртасидаги ишончни мустаҳкамлашда муҳим аҳамият касб этмоқда.

Депутат назорати аҳоли манфаатини устувор қилиб, ислоҳотларнинг ҳаётдаги амалий самарасини таъминлайди.