DEPUTAT NAZORATI: BOG‘CHADAGI SHAROITLAR O‘RGANILDI

Xalq deputatlari tuman Kengashi deputati N.Allamuratova "Obod yurt" mahallasidagi 11-sonli davlat maktabgacha ta’lim tashkiloti faoliyati bilan tanishdi.

Saylovchilar bilan doimiy muloqot qilish va hududdagi ijtimoiy ob’ektlar holatini monitoring qilib borish deputatlik faoliyatining muhim yo‘nalishlaridan biridir. Shu maqsadda o‘tkazilgan o‘rganish davomida quyidagilarga asosiy e’tibor qaratildi:

✅Ta’lim va ta’minot: Bolajonlarning ta’lim-tarbiya jarayoni sifati hamda oziq-ovqat mahsulotlarining me’yorlar asosida yetkazib berilishi;

✅ Sanitariya holati: Oshxona, guruh xonalari va yuvinish joylarining sanitariya-gigiyena talablariga muvofiqligi;

✅ Moddiy-texnik baza: Muassasa binosining holati, xonalarning jihozlanishi va bolalar o‘yin maydonchalarining xavfsizligi;

✅ Pedagogik muhit: Tarbiyachi va xodimlarning ish faoliyati uchun yaratilgan shart-sharoitlar.

✅"Maqsadimiz — kelajagimiz egalari bo‘lgan farzandlarimizning sifatli ta’lim va xavfsiz muhitda kamol topishini ta’minlashdir. Aniqlangan kamchiliklarni bartaraf etish bo‘yicha tegishli tavsiyalar berildi," — deydi deputat N.Allamuratova.

✅Tahlil natijalari asosida muassasa faoliyatini yanada takomillashtirish va mavjud muammolarni hal etish choralari ko‘riladi.