#deputatlik_faoliyati

Respublika ixtisoslashtirilgan Otorinolaringologiya va bosh-bo‘yin kasalliklari ilmiy-amaliy markazi tomonidan Toshkent viloyatida aholi salomatligini muhofaza qilishga qaratilgan navbatdagi muhim tibbiy tadbir tashkil etildi.

Xususan, Xalq deputatlari Toshkent viloyati Kengashi 34-Qizg‘aldoq okrug deputati Abduraximova Shaxnoza Saidasilovnaning tashabbusi bilan Toshkent tumanida aholi uchun chuqurlashtirilgan tibbiy ko‘rik o‘tkazildi.

Mazkur tibbiy ko‘rik davomida yuqori malakali shifokorlar tomonidan quloq, tomoq va burun hamda bosh-bo‘yin sohasiga oid kasalliklarni barvaqt aniqlash, fuqarolarga bepul tibbiy maslahatlar berish, zarur hollarda qo‘shimcha tekshiruv va davolanish bo‘yicha tavsiyalar berish ishlari amalga oshirildi. Tadbirda turli yosh toifasidagi aholi vakillari qamrab olindi.

Shu bilan birga, ushbu tashabbus deputat Abduraximova Shaxnoza Saidasilovnaning saylovchilar bilan doimiy muloqot olib borish, aholining sog‘liqni saqlash sohasidagi murojaatlariga o‘z vaqtida yechim topish hamda joylarda ijtimoiy sohani rivojlantirishga qaratilgan faol deputatlik faoliyatining amaliy ifodasi sifatida e’tirof etildi. Bunday tibbiy ko‘riklar aholining tibbiy madaniyatini oshirish, kasalliklarni oldini olish va sog‘lom turmush tarzini targ‘ib qilishda muhim ahamiyat kasb etadi.

https://t.me/TV_Kengash