📚 Xalq deputatlari Nurobod tumani Kengashi kotibiyati tomonidan ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zolari, Kengash huzuridagi ekspert guruhi va byudjetdan tashqari pensiya jamg‘armasi tuman bo‘limi rahbariyati ishtirokida ishchi uchrashuv tashkil etildi.

📊 Unda “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuniga pensiya tayinlash tartibini yanada takomillashtirishga qaratilgan o‘zgartirish va qo‘shimchalar kiritish haqidagi qonun loyihasi O‘zbekiston Respublikasi Oliy Majlisi Senatining fan, ta’lim va sog‘liqni saqlash masalalari Qo‘mitasi tomonidan dastlabki tarzda ko‘rib chiqilayotgani munosabati bilan atroflicha muhokama olib borildi.

🗣 Muhokama davomida tuman manfaatlaridan kelib chiqqan holda amaldagi tartib-taomillarni takomillashtirish, fuqarolarga qulaylik yaratish, hujjatlarni rasmiylashtirish jarayonlarini soddalashtirishga qaratilgan taklif va fikr-mulohazalar bildirildi.

✍️ Yig‘ilish yakunida bildirilgan takliflar umumlashtirilib, belgilangan tartibda xalq deputatlari Samarqand viloyati Kengashiga kiritilishi belgilandi.