Xalq deputatlari Toshloq tumani Kengashi kotibiyati mudiri M.Qoraboyeva hamda deputat D.Jo‘rayevalar tomonidan Yuqoriqishloq mahalla fuqarolar yig‘inida ijtimoiy himoyaga muhtoj shaxslarga ko‘rsatilayotgan yordamlar o'rganildi.

O‘rganish davomida ijtimoiy xodim tomonidan ehtiyojmand oilalarga ko‘rsatilayotgan moddiy va ijtimoiy yordamlar, ajratilgan mablag‘ va resurslarning maqsadli sarflanishi atroflicha tahlil qilindi.

Shuningdek, kam ta’minlangan oilalarni qo‘llab-quvvatlash, nogironligi bo‘lgan shaxslar hamda yolg‘iz keksalarga ko‘rsatilayotgan xizmatlar holati ham ko‘zdan kechirilib, tegishli tavsiyalar berildi.