“Uch avlod uchrashuvi” – Quyosh mahallasida samimiy muloqot tashkil etildi

Xalq deputatlari Toshkent shahar Kengashi raisi R.Kalanov, Xalq deputatlari Olmazor tuman Kengashi raisi Sh.Umarxodjayeva, tuman Kengashi deputatlari T.Nazarov, F.Salomova, D.Raxmatullayev Olmazor tumani "Nuroniy" jamg`armasi raisi M.Mirpo`latov Quyosh mahalla fuqarolar yig`inlari faollari ishtirokida Olmazor tumanidagi “Quyosh” mahalla fuqarolar yig‘ini hududida “Uch avlod uchrashuvi” tadbiri tashkil etildi.

Mazkur uchrashuvda mahalla faollari, nuroniylar, o‘rta avlod vakillari hamda yoshlar ishtirok etib, avlodlar o‘rtasidagi hamjihatlikni mustahkamlash, milliy qadriyatlarni asrab-avaylash, yoshlarni vatanparvarlik ruhida tarbiyalash hamda mahalla hayotidagi dolzarb masalalarni birgalikda muhokama qilish masalalariga alohida e’tibor qaratildi.

Tadbir davomida nuroniylar tomonidan hayotiy tajriba va maslahatlar berildi, yoshlar tomonidan bildirilgan taklif va tashabbuslar tinglandi. Shuningdek, hududni yanada obodonlashtirish, aholi farovonligini oshirish hamda mahalladagi ijtimoiy muammolarni bosqichma-bosqich hal etish yuzasidan fikr almashildi.

Uchrashuv samimiy ruhda o‘tib, avlodlar o‘rtasidagi uzviy bog‘liqlikni mustahkamlashga xizmat qiladigan muhim muloqot maydoniga aylandi.