Xalq deputatlari Surxondaryo viloyati deputati E.Sobirov, xalq deputatlari Muzrabot tumani Kengashi kotibiyati mudiri-deputat D.Sherboyev va deputat Sh.Norqobilovlar hamkorligida tumandagi “Gulobod” mahallasida bo‘lib, tadbirkorlik subyektlari faoliyatlari bilan tanishdilar.

Tanishish jarayonlarida mahallada tadbirkorlik faoliyatini yuritayotgan fuqarolar xonadonlariga borilib, suhbatlar o‘tkazildi. Mavjud muammolar va takliflar tinglandi. Ayrim masalalar ijobiy yechimini qilish maqsadida deputatlar tomonidan qayd qilib olindi.

Shuningdek, suhbatlar davomida tadbirkor fuqarolarga O‘zbekiston Respublikasining 2012-yil 2-may kunidagi “Tadbirkorlik faoliyati erkinligining kafolatlari to‘g‘risida”gi O‘RQ-328-son Qonuni mazmun-mohiyati haqida ham ma’lumotlar berib o‘tildi. Bunda har bir tadbirkorlar faoliyati ushbu qonunchilik bilan kafolatlanganligi ta’kidlab o‘tildi.

Davlatimiz rahbari ham sohaga oid har bir chiqishlarida tadbirkorlarni qo‘llab-quvvatlamoqdalar. Ularga imkoniyatlar turlarini oshirmoqdalar. Zero tadbirkor elga madadkordir. Tadbirkorlar ko‘paysa, yangi ish o‘rinlari yaratiladi. Natijada kambag‘allik darajasi kamayadi.

O‘rganishlar davomida deputatlar tadbirkorlarga faoliyatlarida muammoli masalalar paydo bo‘lsa, bemalol murojaat qilishlari mumkinligini bildirishdi. Bu borada hamin qadar yordam berishliklarini aytishdi.