AMIR TEMUR MEROSI — MILLAT G‘URURI VA TARIXIY XOTIRAMIZ ASOSI

Bugungi kunda yurtimizda buyuk ajdodlarimiz merosini asrab-avaylash, uni chuqur o‘rganish va kelajak avlodga yetkazish davlat siyosatining ustuvor yo‘nalishlaridan biri bo‘lib qolmoqda. Ayniqsa, Sohibqiron Amir Temur tavalludining 690 yilligi munosabati bilan amalga oshirilayotgan keng ko‘lamli ishlar xalqimizning tarixiy xotirasini mustahkamlashda muhim ahamiyat kasb etmoqda.

Shu munosabat bilan Shavkat Mirziyoyev tomonidan rekonstruksiya qilingan Temuriylar tarixi davlat muzeyiga tashrif buyurilgani alohida e’tiborga loyiqdir. Ushbu maskan nafaqat boy tariximizni aks ettiruvchi muhim ilmiy-ma’rifiy markaz, balki yosh avlodni vatanparvarlik ruhida tarbiyalashda beqiyos ahamiyatga ega.

Amir Temur nafaqat yirik sarkarda va davlat arbobi, balki ilm-fan, madaniyat va bunyodkorlik homiysi sifatida ham jahon tarixida o‘chmas iz qoldirgan. Uning “Kuch adolatda” degan shiori bugungi kunda ham o‘z dolzarbligini yo‘qotgani yo‘q. Shu bois, buyuk bobomiz merosini chuqur o‘rganish va targ‘ib qilish — har birimizning muqaddas burchimizdir.

Temuriylar tarixi davlat muzeyining yangilangan qiyofasi esa zamonaviy yondashuv asosida boy tarixiy eksponatlarni namoyish etib, tashrif buyuruvchilarga keng imkoniyatlar yaratmoqda. Bu esa tariximizni yanada chuqurroq anglash, milliy o‘zligimizni mustahkamlashga xizmat qiladi.

Bugungi globallashuv davrida o‘z tarixini bilgan, ajdodlari bilan faxrlangan xalqgina mustahkam va barqaror taraqqiyot yo‘lidan boradi. Shu nuqtai nazardan, bunday tashabbuslar mamlakatimizning ma’naviy taraqqiyotida muhim o‘rin tutadi.

Xulosa qilib aytganda, Amir Temur merosini o‘rganish va uni keng targ‘ib etish — bu nafaqat tarixiy zarurat, balki kelajagimiz poydevorini mustahkamlash yo‘lidagi muhim qadamlardan biridir.

Xalq deputatlari Navoiy shahar Kengashi deputati Fayziyeva Feruza Mardonovna