Халқ депутатлари туман Кенгаши котибияти
мутахассиси Ш.Камолов томонидан аҳолига бепул бирламчи юридик ёрдам кўрсатиш,
шунингдек, фуқароларнинг ҳуқуқий маърифатини ошириш соҳасида ўзаро
ҳамкорликнинг муҳимлигини инобатга олган ҳолда “Мадад” нодавлат нотижорат
ташкилоти билан ҳамкорликда фуқаролар мурожаатлари ўрганиб чиқилди. 

Жараёнида фуқароларнинг ҳуқуқий масалалар
бўйича мурожаатлари тингланиб, уларга амалдаги қонунчилик ҳужжатлари асосида
ҳуқуқий тушунтириш ва амалий ёрдамлар кўрсатилди. Айниқса, ижтимоий ҳимоя,
меҳнат муносабатлари, оилавий низолар ҳамда бошқа долзарб масалалар юзасидан
мурожаатларга алоҳида эътибор қаратилди. 

Шу билан бирга, фуқароларнинг ҳуқуқий
саводхонлигини ошириш, уларни қонун ҳужжатларидан хабардор қилиш ва ҳуқуқий
маданиятини юксалтиришга қаратилган тарғибот ишлари ҳам олиб борилди. 

Мазкур ҳамкорлик аҳолига сифатли юридик
хизматлар кўрсатиш, уларнинг ҳуқуқ ва манфаатларини ҳимоя қилиш ҳамда жамиятда
ҳуқуқий онг ва маданиятни юксалтиришга хизмат қилади.