Xalq deputatlari Qo‘shko‘pir tuman kengashining navbatdagi VII chaqiriq 26-sessiyasi bo‘lib o‘tdi 

Sessiyada xalq deputatlari Qo‘shko‘pir tuman kengashi deputati, tuman hokimi Shuxrat Axmedov, tuman kengashi deputatlari hamda tegishli idora-tashkilot rahbarlari ishtirok etdi. Sessiyani xalq deputatlari Qo‘shko‘pir tuman kengashi raisi Maxmud Tangriberganov boshqarib bordi. 

Sessiya kun tartibida qator dolzarb masalalar ko‘rib chiqildi. Jumladan, tuman prokurori B.A.Matrasulov hamda IIB boshlig‘i A.K.Dusmetovning 2026-yil 1-chorak davomida jinoyatchilik va huquqbuzarliklarning oldini olish borasidagi faoliyati yuzasidan hisobotlari tinglandi.

Shuningdek, ichki yo‘llarni ta’mirlash bo‘yicha manzilli ro‘yxatni tasdiqlash, “Ochiq budjet” loyihasi doirasida g‘olib tashabbuslarni moliyalashtirish, mahalliy budjet qo‘shimcha manbalarini aniqlash hamda amaldagi qarorga o‘zgartirish kiritish masalalari muhokama qilinib, tegishli qarorlar qabul qilindi.