📌 “Oilaviy tadbirkorlik to‘g‘risida”gi O‘zbekiston Respublikasi Qonuni ijrosi yuzasidan hududda o‘rganish ishlari olib borildi.

 🔎 Xalq deputatlari tuman Kengashining 5-Mehr saylov okrugi deputati D.Karamatov tomonidan Zafar mahallasida “Oilaviy tadbirkorlik to‘g‘risida”gi Qonun ijrosini ta’minlash borasida amalga oshirilayotgan ishlar atroflicha o‘rganildi.

📊 O‘rganish jarayonida oilaviy tadbirkorlikni rivojlantirish, aholi bandligini ta’minlash, xonadonlarda daromad manbalarini kengaytirish hamda fuqarolarni tadbirkorlik faoliyatiga jalb etish masalalariga alohida e’tibor qaratildi.

💼 Shuningdek, oilaviy tadbirkorlik subyektlariga yaratilgan shart-sharoitlar, ularga ko‘rsatilayotgan moliyaviy va amaliy yordamlar, kredit ajratish, subsidiya va imtiyozlardan foydalanish holatlari tahlil qilindi.

🏡 Bundan tashqari, aholining ushbu yo‘nalishdagi bilim va ko‘nikmalarini oshirish, mavjud muammolarni aniqlash hamda ularni bartaraf etish yuzasidan mas’ul tashkilotlar faoliyati o‘rganildi.

📌 O‘rganish yakunlariga ko‘ra, aniqlangan kamchiliklar yuzasidan tegishli tavsiyalar berilib, qonun ijrosini yanada samarali tashkil etish, oilaviy tadbirkorlikni qo‘llab-quvvatlash va rivojlantirish bo‘yicha aniq vazifalar belgilab olindi.