Xalq deputatlari Toshloq tuman Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi a’zolari, kotibiyat bosh mutaxassislari hamda Yoshlar maslahat guruhi vakillari tomonidan tumanda “Yoshlarga oid davlat siyosati to‘g‘risida”gi Qonun ijrosi yuzasidan amalga oshirilayotgan ishlar o‘rganildi.

O‘rganish jarayonida tuman Yoshlar ishlari bo‘limi tomonidan yoshlarning ta’lim olishi, kasbiy rivojlanishi, bandligi hamda jamiyatdagi faolligini oshirish borasida amalga oshirilayotgan ishlar atroflicha muhokama qilindi. Xususan, yoshlar bandligini ta’minlash, ularni kasb-hunar va tadbirkorlikka yo‘naltirish, bo‘sh vaqtlarini mazmunli tashkil etish masalalariga alohida e’tibor qaratildi.

Yoshlar o‘rtasida huquqbuzarliklarning oldini olish, ularni turli zararli illatlardan asrash, sog‘lom turmush tarzini keng targ‘ib etish, yoshlarni sportga keng jalb etish, kutubxonalar va boshqa madaniy maskanlardan samarali foydalanish orqali ularning intellektual va ma’naviy salohiyatini oshirish muhim ekani qayd etildi.

Yoshlar maslahat guruhi a’zolari esa yoshlarning tashabbuskorligini kuchaytirish, ularning jamiyatda amalga oshirilayotgan islohotlarga faol munosabatini qo‘llab-quvvatlash zarurligini alohida ta’kidlashdi.

O‘rganish yakunida mazkur masala yuzasidan mas’ullar hisobotini doimiy komissiyaning navbatdag