Tumanda har payshanba kuni yoshlar bilan uchrashuvlar izchil tashkil etilmoqda. Ana shunday uchrashuvlardan biri Xalq deputatlari tuman Kengashining 12-Xidirsha saylov okrugidan saylangan deputat O‘tkirbek Xo‘janazarov No‘monjonovich tomonidan hududdagi 15-umumta’lim maktabining bitiruvchi o‘quvchilari bilan o‘tkazildi. 

Uchrashuv davomida yoshlar bilan ochiq va samimiy muloqot olib borilib, ularning kelajak rejalari, kasb tanlashdagi qarashlari hamda duch kelayotgan muammolari muhokama qilindi. Deputat tomonidan yoshlarga to‘g‘ri yo‘l tanlash, zamonaviy kasb-hunar egallash va o‘z ustida doimiy ishlash borasida muhim tavsiyalar berildi. Shuningdek, yoshlarning taklif va tashabbuslari tinglanib, ularni qo‘llab-quvvatlash, bandligini ta’minlash hamda kelgusida amalga oshiriladigan loyihalarga jalb etish masalalariga alohida e’tibor qaratildi. 

Mazkur uchrashuv yoshlar bilan bevosita muloqotni mustahkamlash, ularning muammo va ehtiyojlarini o‘rganish hamda kelajak avlodni har tomonlama qo‘llab-quvvatlashda muhim ahamiyat kasb etadi.