Xalq deputatlari Paxtachi tumani Kengashi 22-Nayman saylov okrugidan saylangan deputat Xolmurodov Oybek Yusupovich Nayman mahallasida bo‘lib, mahalladagi ijtimoiy xodim faoliyati bilan yaqindan tanishdi.
Uchrashuv davomida:

– ijtimoiy xizmatlarning aholiga ko‘rsatilish sifati,

– kam ta’minlangan va ehtiyojmand oilalarni qo‘llab-quvvatlash jarayonlari,

– nafaqalar va moddiy yordam tayinlash tartibi,

– oila va fuqarolarning murojaatlarini ko‘rib chiqish mexanizmlari batafsil o‘rganildi.
Deputat tomonidan ijtimoiy xodimga bir qator amaliy tavsiyalar berildi hamda aholiga ko‘rsatilayotgan xizmatlarni yanada takomillashtirish bo‘yicha vazifalar belgilab olindi.
Mahalladagi ijtimoiy muammolarni o‘z vaqtida aniqlash va hal etishda deputatning bunday o‘rganishlari muhim ahamiyat kasb etadi.