Xalq deputatlari Shirin shahar Kengashi raisi Umidjon Haydarov, shahar hokimi, deputat Dilfuza Kambarova va kotibiyat mudiri Mastura Salimovalar bilan birgalikda Mirzo Ulug‘bek mahallasida o‘rganish ishlarini olib bordi. Tashrif chog‘ida hududdagi mavjud muammolar bevosita ko‘zdan kechirildi.

Shuningdek, aholining kundalik hayotida uchrayotgan muammolar, ularning taklif va murojaatlari tinglandi.

Natijada aholiga xizmat ko‘rsatish sifati, ko‘p qavatli uy-joylardagi quvur tizimidagi kamchiliklar hamda yo‘laklarda mavjud muammolar borligi aniqlandi. Mazkur masalalar aholi uchun qator noqulayliklar keltirib chiqarayotgani qayd etildi.

Ayrim muammolar joyning o‘zida hal etildi. Qolgan masalalarni bartaraf etish, infratuzilmani yaxshilash va aholiga qulay sharoitlar yaratish yuzasidan mas’ul tashkilot rahbarlariga aniq topshiriqlar berildi. Belgilangan vazifalar ijrosi alohida nazoratga olindi.

Slide 1 of 4