Oliy Majlis Qonunchilik palatasi hamda Uzun tumani deputatlar Kengashi hamkorligi

 O‘zbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini taʼminlash bo‘yicha qo‘shimcha chora-tadbirlar to‘g‘risida”gi PQ-5072-sonli qarori hamda O‘zbekiston Respublikasi Oliy Majlis Senati Kengashining 2024-yil 30-yanvardagi “Tashabbusli budjet jarayonlarini o‘tkazish hamda moliyalashtirish tartibi to‘g‘risidagi nizomni tasdiqlash to‘g‘risida”gi KQ-666-IV-sonli qarori ijrosini ta’minlash maqsadida O‘zbekiston Respublikasi Oliy Majlis Qonunchilik palatasi hamda Xalq deputatlari Uzun tumani Kengashi deputatlari hamkorligida tumanda o‘rganish ishlari olib borildi.

 O‘rganishlar davomida hududlarda tashabbusli budjet jarayonlarining amalga oshirilishi, fuqarolarning ishtiroki, ilgari surilgan loyihalar hamda ularning moliyalashtirilish holati atroflicha tahlil qilindi.

 Shuningdek, mavjud muammolar aniqlanib, ularni bartaraf etish yuzasidan tegishli taklif va tavsiyalar ishlab chiqildi.

Mazkur hamkorlik hududlarda ochiqlik va shaffoflikni ta’minlash, fuqarolarning davlat boshqaruvidagi faolligini yanada oshirishga xizmat qilmoqda.