Xalq deputatlari Nurobod tumani Kengashi deputati D.Abulkasimova tashabbusi bilan Nurobod tumani Sazag‘on mahallasida yashovchi saylovchilar uchun ma’naviy-ma’rifiy sayohat tashkil etildi.

Mazkur sayohat doirasida fuqarolar Samarqand shahridagi muqaddas ziyoratgohlar va tarixiy obidalarni ziyorat qildi. Sayohat ishtirokchilari yurtimizning boy tarixi, milliy qadriyatlari va ajdodlarimiz merosi bilan yaqindan tanishish imkoniga ega bo‘ldi.

Tadbir davomida ishtirokchilar tomonidan bunday ezgu tashabbuslar aholi, ayniqsa keksalar va yoshlar o‘rtasida ma’naviy birlikni mustahkamlash, yurtga muhabbat va iftixor tuyg‘ularini oshirishda muhim ahamiyat kasb etishi ta’kidlandi.

Shu kabi tashabbuslar kelgusida ham davom ettirilishi rejalashtirilmoqda.