#Kengashi_raisi_faoliyati

Xalq deputatlari tuman Kengashi raisi A.Tavboyev tomonidan tumandagi 8-sonli umumta’lim maktabida o‘rganish ishlari olib borildi.

Mazkur o‘rganish jarayonida maktabda jami 532 nafar o‘quvchi tahsil olayotgani, ularning ta’lim sifati va natijalari alohida e’tiborga loyiq ekani qayd etildi. Xususan, o‘quvchilarning 10 nafardan ortig‘i turli yo‘nalishlarda milliy sertifikatlarni qo‘lga kiritgan bo‘lib, bu ko‘rsatkich tumandagi boshqa ta’lim muassasalari orasida yetakchi o‘rinni egallashiga asos bo‘lmoqda.

Ta’kidlanganidek, mazkur maktabda ta’lim sifatini oshirish, o‘quvchilarning bilim va salohiyatini rivojlantirish borasida tizimli ishlar yo‘lga qo‘yilgan. 

O‘rganish yakunida ushbu ijobiy tajribani tumandagi boshqa maktablarda ham keng joriy etish, ilg‘or uslublarni ommalashtirish yuzasidan tegishli tavsiyalar berildi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377)