Joriy yilning 25-mart kuni xalq deputatlari shahar Kengashi kotibiyat mudiri, deputat E.Davlatov va shahar Kengashi kotibiyat bosh mutaxassisi M.Xudayberdiyevalar shahar qurilish va uy-joy kommunal xo‘jaligi bo‘limi bosh mutaxassisi D.Aliqulova ishtirokida “Konchilar” mahallasida faoliyat yuritayotgan “ZAR GOLDEN HOUSE-2022” boshqaruv kompaniyasining faoliyati hamda mahalladagi ko‘p qavatli uylarning ichki yo‘laklari hamda yerto‘lalar holatini o‘rganishdi. “ZAR GOLDEN HOUSE-2022” boshqaruv kompaniyasi Konchilar mahallasidagi 32 ta ko‘p qavatli uyning 1750 ta xonadon aholisiga kommunal xizmat ko‘rsatishi, ko‘p qavatli uylarning ichki yo‘laklari hamda yerto‘lalar holati yahshi holatdaligi aniqlandi. Depuatat tomonidan boshqaruv kompaniyasiga hududda joylashgan ko‘p qavatli uylarda istiqomat qilayotgan fuqarolardan tushadigan murojaatlarni o‘z vaqtida bartaraf etish bo‘yicha tavsiyalar berildi.