O‘zbekiston Respublikasi Prezidentining 2023-yil 21-dekabrdagi PF-209-son Farmoniga ko‘ra, mahalladagi xotin-qizlar faolining asosiy vazifalari quyidagilardan iborat:

✔️ “Sog‘lom oila — sog‘lom jamiyat” tamoyillarini targ‘ib qilish, yaqin qarindoshlar o‘rtasidagi va erta nikohlarning oldini olish, reproduktiv salomatlikni yaxshilash hamda oilaviy qadriyatlarni mustahkamlash bo‘yicha chora-tadbirlarni amalga oshirish.

👉 Har oy kamida 20 ta oilaga kirib, oilaviy qadriyatlarni targ‘ib qiladi va nikohlarning qonuniyligini ta’minlaydi.

👉 Har oy ajrim yoqasiga kelib qolgan va nizoli kamida 5 ta oilani sog‘lom turmush tarziga qaytarish choralarini ko‘radi.

✔️ Xotin-qizlarning ijtimoiy-siyosiy faolligini oshirish va ularning ta’lim imkoniyatlarini kengaytirishga ko‘maklashish.

👉 Har oy maktabdagi o‘quvchi qizlar bilan uchrashuv o‘tkazib, ularning ta’limga qiziqishini oshiradi.

👉 Har oy kamida 5 nafar xotin-qizni tadbirkorlik, kasanachilik yoki hunarmandchilikka jalb qiladi.

✔️ Xotin-qizlarning muammolarini aniqlash va yordam tashkil etish.

👉 Muammolar yuzasidan davlat organlari va tashkilotlarga murojaat qiladi hamda og‘ir ijtimoiy ahvolga tushib qolgan xotin-qizlarga ijtimoiy-huquqiy, psixologik va moddiy yordam ko‘rsatishni ijtimoiy xodim bilan birgalikda tashkil etadi.

👉 Har oy kamida 10 nafar muhtoj xotin-qizga yordam tashkil etadi.

✔️ Tazyiq va zo‘ravonlikka qarshi profilaktika ishlari.

👉 Har oy jazoni ijro etish muassasalaridan qaytgan yoki profilaktik hisobda turgan xotin-qizlar xonadoniga borib, ularning muammolarini o‘rganadi.

👉 Xotin-qizlarga nisbatan tazyiq va zo‘ravonlik holatlarini aniqlab, bu haqida profilaktika inspektoriga xabar beradi.