AQSHda O‘zbekiston Oliy Majlisi delegatsiyasining tashrifi: parlamentlararo diplomatiya va hamkorlikni mustahkamlash

Vashington, AQSH – Bugun O‘zbekiston Respublikasi Oliy Majlisi delegatsiyasi AQSHda rasmiy tashrif bilan bo‘lib turibdi, ikki davlat o‘rtasidagi parlamentlararo hamkorlik va parlament diplomatiyasini yana-da chuqurlashtirish maqsadida bir qator muhim uchrashuvlar o‘tkazmoqda. 

Delegatsiya Oliy Majlis Senati Xalqaro munosabatlar, Tashqi iqtisodiy aloqalar, Xorijiy investitsiyalar va turizm masalalari qo‘mitasi raisi R. Alimov boshchiligida AQSHga tashrif buyurdi. Bu tashrif parlamentlararo aloqalarni mustahkamlash, o‘zaro siyosiy, ijtimoiy-iqtisodiy va huquqiy islohotlar bo‘yicha fikr almashish, shuningdek, tajriba almashish imkonini beradi. 

Tashrif davomida delegatsiya a’zolari bir qator Amerika Qo‘shma Shtatlari Kongressi a’zolari va senatorlari bilan uchrashuvlar o‘tkazdi. Muloqotlar davomida O‘zbekistonning inson huquqlari, qonun ustuvorligini ta’minlash, davlat boshqaruvining ochiqligi va fuqarolik jamiyati institutlarini rivojlantirish bo‘yicha amalga oshirilayotgan islohotlar yuzasidan keng ma’lumotlar taqdim etildi. 

AQSH tomonidagi hamkasblar bilan o‘tkazilgan muzokaralarda ikki tomonlama munosabatlarni yanada chuqurlashtirish, parlamentlararo aloqalarni mustahkamlash, shuningdek, iqtisodiy va investitsiya sohalarida hamkorlikni kengaytirish masalalari muhokama qilindi. Xususan, yakka tartibdagi tijorat va ijtimoiy loyihalarni amalga oshirishda hamkorlik mexanizmlari bo‘yicha fikr almashildi. 

Delegatsiya AQSHning Vayoming shtatiga ham tashrif buyurib, mahalliy hukumat organlari va parlament vakillari faoliyati bilan yaqindan tanishdi. Bu tashrifning muhim jihatlaridan biri – mahalliy boshqaruv va qonunchilik tajribasini o‘rganish bo‘ldi, chunki bu tajriba O‘zbekistonning hududiy boshqaruv samaradorligini oshirishga xizmat qilishi mumkin. 

Muloqotlarning natijasi sifatida, ikki tomonlama parlamentlararo aloqalarni yangi bosqichga ko‘tarish, tajriba almashish va samarali hamkorlikni kengaytirish bo‘yicha aniq qo‘shimcha kelishuvlar asosida keyingi uchrashuvlar rejalashtirilmoqda.

Ushbu tashrif umumiy diplomatik munosabatlarga yangi nafas olib kirayotgani va O‘zbekiston–AQSH strategik sheriklikni yanada mustahkamlashga xizmat qilishi kutilmoqda.

Xalq deputatlari Navoiy shahar Kengashi deputati,

Xudayqulova Nargiza Gaybullayevna