🔹Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tomonidan tuman Markaziy dehqon bozorida “Elga xizmat” rastalaridagi asosiy turdagi oziq-ovqat mahsulotlari narxlari o‘rganildi.

🔹 O‘rganish davomida bozorda sotilayotgan go‘sht, sut va sut mahsulotlari, sabzavotlar, mevalar hamda boshqa kundalik iste’mol tovarlari narxlari tahlil qilinib, ularning aholi uchun maqbulligi va barqarorligiga alohida e’tibor qaratildi. Shuningdek, mahsulotlar sifati, sanitariya holati va savdo jarayonida belgilangan qoidalarga rioya etilishi ham o‘rganildi.

🔹 Mas’ul tashkilotlar va bozor ma’muriyatiga oziq-ovqat mahsulotlari narxlarini sun’iy ravishda oshirmaslik hamda aholi manfaatlarini himoya qilish yuzasidan tegishli ko‘rsatmalar berildi. Shu bilan birga, oziq-ovqat mahsulotlari ta’minotini barqaror ta’minlash, narxlarni me’yorda ushlab turish hamda bozorda sog‘lom raqobat muhitini shakllantirish bo‘yicha tavsiyalar bildirildi.

🔹 Mazkur masala deputat tomonidan nazoratga olingan bo‘lib, kelgusida ham narx-navolar barqarorligini ta’minlash yuzasidan muntazam o‘rganishlar olib borilishi ta’kidlandi.