🔷O‘zbekiston Respublikasi Prezidentining 2023-yil 21-dekabrdagi PF-209-son Farmonida belgilangan vazifalar ijrosi yuzasidan tumanning “Navro‘z” mahallasi raisi, xotin-qizlar faoli va mahalla bankiri faoliyati xalq deputatlari Bo‘stonliq tumani Kengashi deputati M.Ashurov tomonidan o‘rganildi.

🔷O‘rganish jarayonida mahalla bankiri tomonidan aholini tadbirkorlikka jalb etish, imtiyozli kreditlar ajratish, yangi ish o‘rinlari yaratish borasida olib borilayotgan ishlar tahlil qilindi. Shuningdek, xotin-qizlar faoli tomonidan ayollarni qo‘llab-quvvatlash, ularni kasb-hunarga o‘rgatish, ijtimoiy himoyaga muhtoj oilalar bilan ishlash hamda bandlikni ta’minlash bo‘yicha amalga oshirilayotgan ishlar ko‘rib chiqildi. Shu bilan birga, mahallada huquqbuzarlik va jinoyatchilikni oldini olish bo‘yicha ko‘rilayotgan choralar muhokama qilindi.

🔷Aniqlangan kamchiliklarni qisqa muddatlarda bartaraf etish hamda aholi bilan ishlash samaradorligini oshirish, mavjud imkoniyatlardan to‘liq foydalanish hamda murojaatlarni o‘z vaqtida hal etish bo‘yicha mas’ullarga tegishli tavsiyalar berildi.

🔷Mazkur masala deputat tomonidan nazoratga olinib, belgilangan vazifalar ijrosi yuzasidan qo‘shimcha o‘rganishlar olib borilishi ta’kidlandi.