2026-yil 24-fevral kuni O‘zbekiston Respublikasi Prezidentining yoshlar tashabbuslarini qo‘llab-quvvatlashga bag‘ishlangan muloqoti natijasida mamlakatimizda har haftaning payshanba kuni “Yoshlar kuni” deb e’lon qilingan edi.

Ushbu an’ana doirasida bugun tuman hokimi, xalq deputatlari Uzun tumani Kengashiga 6-Obizarang saylov okrugidan saylangan deputat Xabibulla Bozorov tumandagi 5-umumta’lim maktabida bo‘ldi. Tashrif davomida quyidagi masalalarga alohida e’tibor qaratildi:

O‘quv jarayoni: Kichik sinflarda darslarning borishi va o‘quvchilarning bilim olish darajasi;

Inklyuziv ta’lim: Imkoniyati cheklangan bolalar uchun yaratilgan sharoitlar va ta’lim sifati;

Mavjud muammolar: Maktab infratuzilmasi va moddiy-texnik bazasidagi kamchiliklar. Deputat maktabdagi o‘quv jarayoni, o‘quvchilarning faolligi va sinf xonalaridagi sharoitlarni yaqindan o‘rgandi. Shuningdek, ta’lim sifatini oshirish bo‘yicha mutasaddilarning taklif va tashabbuslarini tingladi.