🔰Xalq deputatlari Olmaliq shahar Kengashi deputati Sayfiddin Subanov shahar markazida joylashgan bir qator dorixonalarda bo‘lib, aholiga ko‘rsatilayotgan tibbiy xizmat sifati, dori-darmonlar mavjudligi hamda narxlar barqarorligini o‘rganildi.

📝O'rganish davomida deputat dorixona xodimlari bilan suhbatlashib, aholining ehtiyoji yuqori bo‘lgan dori vositalari, bolalar uchun gigiyena mahsulotlari va mavsumiy dorilar bilan ta’minlanganlik holatini ko‘zdan kechirdi. Shuningdek, dorixonalarda hujjatlar yuritilishi, sanitariya talablari, xizmat madaniyati va fuqarolarga ko‘rsatilayotgan yordam sifati bo‘yicha ham tahlillar olib borildi.

✅Ushbu o‘rganish ishlari aholiga sifatli tibbiy xizmat ko‘rsatishni ta’minlash, dorixonalarda dori vositalarining uzluksiz mavjudligini nazorat qilish va tibbiyot tizimida ochiqlik hamda samaradorlikni oshirishga xizmat qiladi.