Ulug‘nor tumani Cho‘lobod mahalla fuqarolar yig‘inida aholining salomatligini mustahkamlashga qaratilgan bepul tibbiy ko‘rik tashkil etildi. Ushbu tadbirda turli yoshdagi fuqarolar faol ishtirok etib, malakali shifokorlar ko‘rigidan o‘tish imkoniga ega bo‘ldilar.

Tibbiy ko‘rikni tashkil etish va aholining unda faol qatnashishini ta’minlashda xalq deputatlari tuman Kengashi deputati Nishonov Nodirbek Rustamovich faol tashabbus ko‘rsatdi. Deputat tomonidan yurtimizda tibbiyot sohasida olib borilayotgan keng ko‘lamli islohotlar, aholiga yaratilayotgan qulayliklar va bepul tibbiy xizmatlarning ahamiyati haqida tushuntirish ishlari olib borildi. Mazkur tadbir sog‘liqni saqlash tizimini aholiga yanada yaqinlashtirish, fuqarolarning tibbiy madaniyatini oshirish hamda davlatimiz rahbarining inson salomatligini ustuvor vazifa sifatida belgilagan siyosatini amaldagi ifodasi bo‘ldi.