Xalq deputatlari Boyovut tumani Kengashi deputati Jumavoy Rahmonqulov tomonidan “Navbahor” mahallasi hududida joylashgan 48-umumta’lim maktabida o‘qtuvchilar, pedagoglar va o‘quvchilar ishtirokida uchrashuv tashkil etildi.

Uchrashuv davomida Prezidentimiz murojaatlarida belgilab berilgan yoshlar ta’lim-tarbiyasi doirasidagi dolzarb vazifalar, o‘quvchilarning ta’lim jarayonidagi faolligi hamda yoshlarning bo‘sh vaqtini mazmunli tashkil etish masalalari yuzasidan atroflicha fikr almashildi.

Shuningdek, darslarni muntazam qoldiruvchi hamda tarbiyasi og‘ir bo‘lgan o‘quvchilar holati keng jamoatchilik ishtirokida muhokama qilinib, ularning ta’lim va tarbiyasini yaxshilash bo‘yicha tegishli tavsiyalar berildi. Ta’limda yuqori natijalarga erishayotgan, intizomli va namunali xulqi bilan ajralib turgan o‘quvchilar rag‘batlantirildi.

Uchrashuv yakunida ota-onalarning farzandlari ta’lim-tarbiyasiga bo‘lgan mas’uliyatini yanada kuchaytirish zarurligi alohida ta’kidlandi.