Deputatlar tomonidan samaradorlik ko‘rsatkichlari (KPI) tizimidan foydalanish holatini muhokama qilish hamda ushbu tizimdan yetarli darajada foydalanmayotgan deputatlar bilan tushuntirish ishlarini olib borish maqsadida Xalq deputatlari Boyovut tumani Kengashi kotibiyati binosida yig‘ilish bo‘lib o‘tdi.

Mazkur yig‘ilishda tuman Kengashi kotibiyati mudiri Xusnara Berdiyarova ishtirok etib, deputat KPI tizimining mazmun-mohiyati, undan samarali foydalanish tartibi hamda KPI ko‘rsatkichlarini o‘z vaqtida va sifatli shakllantirish bo‘yicha batafsil tushunchalar berdi. Shuningdek, KPI tizimida sustkashlikka yo‘l qo‘yayotgan deputatlarga aniq tavsiyalar berilib, ularning faoliyat samaradorligini oshirish yuzasidan tegishli ko‘rsatmalar taqdim etildi.

Yig‘ilish yakunida deputatlardan KPI tizimi bilan ishlashda mas’uliyatni kuchaytirish, belgilangan mezonlarga qat’iy rioya etish hamda hisobotlarni o‘z vaqtida taqdim etish zarurligi ta’kidlandi.