Shahrisabz shahar “Oqila ayollar” harakati rahbari, Xalq deputatlari Shahrisabz shahar Kengashining 9-Alpomish saylov okrugi deputati, Ishaliyeva Rohila Qoʻziyevna tomonidan ajrim yoqasiga kelib qolgan nizoli oilalar bilan uchrashuv tashkil etildi.

Tadbir “Ajrim — yechim emas” shiori ostida o‘tkazilib, unda oilani saqlab qolish, o‘zaro hurmat va murosaning ahamiyati, farzandlar taqdiriga mas’uliyat bilan yondashish masalalari muhokama qilindi.

Deputat o‘z nutqida oilaviy kelishmovchiliklarni bartaraf etishda sabr, muloqot va ijtimoiy qo‘llab-quvvatlash mexanizmlarining muhim o‘rin tutishini ta’kidladi. Shuningdek, bunday uchrashuvlar jamiyatda sog‘lom muhitni mustahkamlashga xizmat qilishi qayd etildi.

Mazkur tadbir ajrimlarning oldini olish, oilaviy qadriyatlarni asrash va ijtimoiy mas’uliyatni kuchaytirishga qaratilgan muhim qadam sifatida baholandi.

telegram