Xalq deputatlari viloyat Kengashining navbatdagi yigirma oltinchi sessiyasi 5-fevral kuni o‘tkaziladi 📣

⭐️ Bu haqda xalq deputatlari Samarqand viloyati Kengashi raisi Sh.Negmatovning bugun, 2-fevralda qabul qilgan "Xalq deputatlari viloyat Kengashining yettinchi chaqiriq, yigirma oltinchi sessiyasini chaqirish to‘g‘risida"gi Farmoyishida ma’lum qilindi.

Sessiya kun tartibida quyidagi masalalar koʻrib chiqiladi:

• Viloyat IIB boshlig‘i T.Aripovning jinoyatchilikka qarshi kurashish va huquqbuzarliklarning oldini olish borasida amalga oshirilgan ishlar yuzasidan hisoboti;

• Samarqand viloyatining Kattaqo‘rg‘on shahri, Payariq, Kattaqo‘rg‘on, Bulung‘ur tumanlaridagi samarasiz kichik sanoat zonalarini hamda Samarqand shahri va Narpay tumanidagi samarasiz yoshlar sanoat zonalarini tugatish to‘g‘risida;

• Viloyatda 2025-yil “Kambag‘allikdan farovonlik sari” dasturi doirasida tanlangan mahallalarda elektr energiyasi barqaror yetkazib berilishini yaxshilash va ichki yo‘llarni ta’mirlash bo‘yicha dasturga kiritilgan takliflarni ko‘rib chiqish hamda ma’qullash haqida;

• “Yangi O‘zbekiston qiyofasidagi tuman va mahalla maqomi berilgan tumanlar va mahallalarda “Taraqqiyot va yetakchilik maskani” dasturining asosiy yo‘nalishlari, infratuzilma loyihalari manzilli dasturni tasdiqlash to‘g‘risida;

• Xalq deputatlari Samarqand viloyati Kengashining 2026-yilga mo‘ljallangan ish rejasini tasdiqlash to‘g‘risida;

• Viloyat hokimining ayrim qarorlarini tasdiqlash to‘g‘risida.

⚡️ @sam_vil_deputatlari