Korrupsiyaga qarshi kurashish va xavfsizlik masalalari bo‘yicha doimiy komissiya tomonidan ijtimoiy soha obyektlarida korrupsiyaning oldini olish bo‘yicha olib borilayotgan ishlar tahlil qilindi. Ushbu yo‘nalishdagi o‘rganishlar Kengashning tasdiqlangan yillik ish rejasiga muvofiq, tizimli va rejalashtirilgan asosda amalga oshirilmoqda.

Xususan, ish rejasida har oyda bir tashkilot faoliyati yuzasidan korrupsiyaga qarshi kurashish holati sessiyaga masala sifatida kiritilishi belgilangan bo‘lib, navbatdagi sessiya oldidan tegishli ijtimoiy soha obyektlarida o‘rganish ishlari olib borildi. O‘rganish jarayonida hujjatlar bilan ishlash, moliyaviy intizomga rioya etilishi, xizmat vazifalarini suiiste’mol qilish holatlari, manfaatlar to‘qnashuvi xavflari hamda jamoatchilik nazoratining qay darajada yo‘lga qo‘yilgani tanqidiy ruhda ko‘rib chiqildi.