Prezidentimizning 2025-yil 19 sentabrdagi “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi 173-sonli Farmoni mamlakatimizda ijtimoiy-iqtisodiy rivojlanishni yangi bosqichga olib chiqishda muhim ahamiyat kasb etadi. Ushbu keng ko‘lamli tadbir aholining hayot darajasi, qishloq xo‘jaligi salohiyati va hududlarning real holatini aniq belgilashga xizmat qiladi. 

✔️Ro‘yxatga olish jarayonining samarali o‘tishida korxona va tashkilotlar, mahalla fuqarolar yig‘inlari bilan bir qatorda jamoatchilik vakillari va deputatlarning faol ishtiroki alohida ahamiyatga ega. Ularning tashabbuskorligi, aholi o‘rtasida tushuntirish ishlarini olib borishi hamda hamkorlikda harakat qilishi ma’lumotlarning xolis va to‘liq yig‘ilishini ta’minlaydi. 

✔️Barchamizni ushbu muhim davlat ahamiyatiga ega jarayonda faol ishtirok etishga, mas’uliyat bilan yondashib, mamlakatimiz, tumanimiz taraqqiyoti va xalqimiz farovonligi yo‘lida birlik muhim rol o‘ynaydi.

Nasiba Mo‘minova, O‘ZLIDEP viloyat Kengashi bo‘lim mudiri, Toyloq tuman Kengashi deputati