Ўзбекистон Республикаси Президенти ташаббуси билан оғир махаллаларни ҳудудларни комплекс ривожлантириш, инфратузилмани яхшилаш ҳамда аҳоли турмуш сифатини оширишга қаратилган топшикларига асосан, худудларни ўрганиш,  “Мастер режа” лойиҳасини ишлаб чикиш доирасида вилоят Кенгаши депутати Дурдона Хатамова ҳамда Янгиқўрғон туман Кенгаши раиси Равшан Мамажоновлар томонидан Янгиқўрғон туманида жойлашган “Обод” маҳалла фуқаролар йиғини ҳудудида ўрганиш ишлари олиб борилди.

Ўрганиш жараёнида маҳалла ҳудудидаги мавжуд инфратузилма объектлари, ижтимоий соҳа муассасалари, йўл-транспорт тармоқлари, муҳандислик коммуникациялари ҳамда ободонлаштириш ишларининг ҳолати атрофлича таҳлил қилинди. Шунингдек, аҳоли билан мулоқот ўтказилиб, уларнинг таклиф ва мурожаатлари ўрганилди.

Ўтказилган ўрганишлар натижасида ҳудудни янада ривожлантириш, мавжуд муаммоларни бартараф этиш ва келгусида амалга ошириладиган ишлар бўйича аниқ чора-тадбирлар режаси ишлаб чиқилди ҳамда масъулларга тегишли вазифалар белгилаб олинди.