Xalq deputatlari Bekobod shahar Kengashi va shahar hokimligi tomonidan hamkorlikda fuqarolarning sayyor qo‘shma qabul tashkil etildi.

     - Xalq bilan ochiq muloqot – faoliyatimizning asosiy yo‘nalishlaridan biri – deydi Xalq deputatlari shahar kengashining deputati, “Adolat” SDP shahar kengashi raisi G.Sharipova. Ayniqsa, ijro hokimiyati va vakillik organi funksiyalari aniq belgilab berilgandan so‘ng shahar kengashi raisi J.Dushabayevning tashabbusi bilan tashkil etilgan qo‘shma sayyor qabulda okrugdan saylangan deputatlar ham ishtirok etib, o‘z saylov okruglaridan kelgan fuqarolarning murojaatlarini birgalikda hal etishga kirishgani, oldingi sayyor qabullardan farq qiladi. Har bir murojaat deputatlar tomonidan nazoratga olindi va masalalarni hal etish yuzasidan ijrochilarga deputatlik murojaati yo‘llandi. Ushbu qabulda 17 nafar fuqaro o‘z murojaatlari bilan qatnashdi. 11 ta murojaat joyida o‘z yechimini topdi va 6 ta murojaat esa qo‘shimcha o‘rganish talab etgani bois mas’ullarga biriktirilib, ijro nazoratiga olindi. Fuqarolar bilan ochiq muloqot qilish, ularning muammo va takliflariga befarq bo‘lmaslik - ustuvor vazifalarimizdan.