Kambag’allikka qarshi kurash – natija va mas’uliyat

Prezident Shavkat Mirziyoyev raisligida o’tkazilgan videoselektor yig’ilishi kambag’allikni qisqartirish va aholi bandligini ta’minlashda yangi bosqichni belgilab berdi.

Kambag’allik bugun statistika emas, balki har bir oila va har bir yoshning kelajagi bilan bog’liq masaladir. Shu sabab endi har bir hudud o’z imkoniyatini ishga solishi, rahbarlar esa real natija bilan javob berishi shart.

Xalq deputatlari Namangan shahar Kengashi deputati sifatida men bu vazifalarni hujjatlarda emas, odamlar hayotida amaliy o’zgarishga aylantirishni o’z oldimga maqsad qilganman.

Belgilangan yo’nalish bu chaqiriq. Javob esa so’z bilan emas, aniq ish va sezilarli natija bilan bo’lishi kerak.

Akmaljon Jalilov

Xalq deputatlari Namangan shahar Kengashi deputati