Yoshlar xavfsizligi va ta’lim-tarbiyasi — dolzarb masalalar muhokamada

19-Mingchinor saylov okrugi deputati Rahimova Gavhar Ismoilovna boshchiligida Prezidentimiz e’tibor qaratgan kriminogen holatlar yuzasidan davra suhbati o‘tkazildi. 

Tadbir davomida yoshlar o‘rtasida jinoyatchilikning oldini olish, psixotrop moddalardan ehtiyot bo‘lish hamda kiberxavfsizlik masalalariga alohida e’tibor qaratildi.

Shu bilan birga, viloyat hokimi tomonidan yoshlar ta’lim-tarbiyasi yo‘nalishida amalga oshirilayotgan ishlar, mavjud yutuq va kamchiliklar aniq misollar asosida atroflicha tahlil qilindi. Xususan, umumta’lim va kasb-hunar ta’limi sohasidagi holat muhokama qilinib, yoshlar tarbiyasida sifat va natijadorlikka erishish nafaqat ta’lim muassasalarining, balki keng jamoatchilikning ham muhim vazifasi ekani ta’kidlandi. Shu asosda, sohada kechiktirib bo‘lmaydigan ustuvor vazifalar yuzasidan fikr almashildi.