Sessiyaǵa rayonlıq Keńes deputatları, hákim orınbasarları, huqıq qorǵaw uyımları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı.

Sessiya kún tártibinde dáslep Qaraózek rayonı prokuraturası tárepinen nızamshılıq hám jınayatshılıqqa qarsı gúresiw baǵdarında rayon prokurorı B.Aberkulovtıń hám rayonlıq Ádillik bólimi tárepinen nızamshılıq hújjetleri orınlanıwın nátiyjeli shólkemlestiriw baǵdarında Ádillik bólimi baslıǵı A.Iskenderovlardıń málimlemeleri tıńlandı. Deputatlardıń usınısları menen sheshim qabıl etildi.

Bunnan soń Qaraózek rayonı Ishki isler bólimi tárepinen rayon aymaǵında jınayatshılıqqa qarsı gúresiw, huqıqbuzarlıqlardıń aldın alıw baǵdarında 2025-jılda ámelge asırılǵan jumıslar boyınsha rayonlıq IIB baslıǵı M.Allabergenov hám IIB baslıǵı orınbasarı, jámiyetlik qáwipsizlik xızmeti baslıǵı M.Alievlerdiń esabatları dodalandı.

Sonday-aq, rayonda "drayver" joybarlardan nátiyjeli paydalanıw baǵdarlamasın tastıyıqlaw boyınsha rayon hákimi orınbasarı B.Ayapbergenovtıń usınısı dodalandı. Sessiyada Xalıq deputatları Qaraózek rayonlıq Keńesiniń 2026-jılǵa belgilengen rejeleri hám turaqlı komissiyalardıń usınısları dodalanıp, deputatlar tárepinen alda isleniwi tiyis wazıypalar belgilep alındı hám sessiya óz jumısın juwmaqladı.

Slide 1 of 12