Xalq deputatlari Zarbdor tuman Kengashi deputati, Zarbdor tumani “Inson” ijtimoiy xizmatlar markazi direktori Z.Mullajonov "Taraqqiyot" mahalla fuqarolar yig‘inida sayyor qabul tashkil etdi.
Qabul davomida fuqarolar o‘z murojaatlari bilan deputatga murojaat qilish imkoniga ega bo‘ldilar. Jumladan, aholining ijtimoiy himoya, ta’lim, sog‘liqni saqlash, bandlik, mahalla infratuzilmasini yaxshilash va obodonlashtirish masalalari bo‘yicha murojaatlari tinglandi.
Deputat Z.Mullajonov bildirgan muammolarni tegishli tartibda o‘rganish, mas’ullarga vazifalar belgilash va yechim topish yuzasidan ko‘rsatmalar berdi.
Mazkur sayyor qabul aholi bilan bevosita muloqotni rivojlantirish, fuqarolar murojaatlarini o‘z vaqtida hal etish hamda mahalla hayotida ijtimoiy barqarorlikni mustahkamlashga xizmat qiladi.