Zarbdor tuman hokimi, deputat B. Tashpulatov hamda O‘zbekiston Mahallalar uyushmasi tuman bo‘limi rahbari, deputat T.Qodirov Oqbuloq mahalla fuqarolar yig‘ini hududida joylashgan Xon-Xo‘ja qabristoniga tashrif buyurib, uning holatini joyida ko‘zdan kechirdi.
Tashrif davomida hududni tozalash, begona o‘tlardan xalos etish, obodonlashtirish ishlarini jadallashtirish hamda muqaddas maskanni talab darajasida saqlash yuzasidan amalga oshirilishi lozim bo‘lgan chora-tadbirlar belgilandi.
Shuningdek, aholi ishtirokida hasharlarni tashkil etish, mahalla faollari bilan hamkorlikni kuchaytirish va mazkur ishlarni tizimli yo‘lga qo‘yish bo‘yicha mas’ullarga tegishli topshiriqlar berildi.
Ushbu tashabbus jamoatchilikni birlashtirish, muqaddas qadamjolarni e’zozlash hamda mahallalarda tozalikka bo‘lgan e’tiborni yanada oshirishga xizmat qiladi.