🥦 Bolalar salomatligi — sifatli ozuqada: Deputat nazorati 

Maktabgacha ta’lim tashkilotlarida bolalarning sog‘lom rivojlanishi nafaqat
ta’lim-tarbiyaga, balki berilayotgan taomlarning sifatiga ham bevosita bog‘liq.
14-Mintepa saylov okrugi deputati B.Abduraximov hududdagi 8-sonli MTTda bo‘lib,
tarbiyalanuvchilar uchun yaratilgan sharoitlarni ko‘zdan kechirdi. 

O‘rganishning asosiy nuqtalari: Oziq-ovqat sifati:
Taomnomaning tasdiqlangan meyorlarga mosligi va mahsulotlarning yangiligi
tekshirildi. 

Zaxira holati: Muassasa omborxonasida zarur oziq-ovqat zaxirasi mavjudligi
va ularni saqlash sharoitlariga e’tibor qaratildi.  

"Farzandlarimizga berilayotgan har bir mahsulot sifat sertifikatiga
ega bo‘lishi va belgilangan meyorda berilishi shart. Bizning vazifamiz-jajji avlodning salomatligi va xavfsizligini
ta’minlashdir,"-ta’kidladi B.Abduraximov. 

O‘rganish davomida muassasada oziq-ovqat ta’minoti tizimli yo‘lga
qo‘yilgani va zaxiralar yetarli ekanligi aniqlandi.