Xalq deputatlari mahalliy Kengashlari deputatlarining eng muhim vakolatlaridan biri — bu deputat so‘rovi hisoblanadi.
🔹 Deputat so‘rovi nima?
Deputat so‘rovi — bu deputat tomonidan davlat organlari, tashkilotlar yoki mansabdor shaxslarga yo‘llanadigan rasmiy murojaat bo‘lib, unda hududdagi dolzarb masalalar, muammolar va ularning yechimi yuzasidan tushuntirish yoki choralar ko‘rish talab etiladi.
🔹 Qanday masalalar bo‘yicha yuboriladi?
✅ Aholini qiynayotgan muammolar
✅ Ijtimoiy infratuzilma kamchiliklari
✅ Kommunal xizmatlar sifati
✅ Byudjet mablag‘larining maqsadli sarflanishi
✅ Ekologiya va atrof-muhit masalalari
🔹 Deputat so‘rovining ahamiyati nimada?
📍 Muammolarni bevosita yuqori tashkilotlarga yetkazadi
📍 Mansabdor shaxslarning hisobdorligini oshiradi
📍 Hududdagi dolzarb masalalarga tezkor yechim topilishiga xizmat qiladi
🔹 Muhimi!
Deputat so‘roviga qonunchilikda belgilangan muddatlarda javob berilishi shart. Bu esa davlat organlarining ochiqligi va javobgarligini ta’minlaydi.
📣 Xulosa:
Deputat so‘rovi — bu deputatning xalq manfaatlarini himoya qilishdagi eng samarali vositalaridan biri bo‘lib, u orqali hududdagi muammolar tizimli ravishda hal etib boriladi.
✍️Xalq deputatlari Qo‘ng‘irot tumani Kengashi kotibiyati